गकारादि श्रीगणपति सहस्रनाम स्तोत्रम्

अस्य श्रीगणपतिगकारादिसहस्रनाममालामन्त्रस्य दुर्वासा ऋषिः, अनुष्टुप् छन्दः, श्रीगणपतिर्देवता, गं बीजम्, स्वाहा शक्तिः, ग्लों कीलकम्, मम सकलाभीष्टसिद्धयर्थे जपे विनियोगः ।

ॐ अङ्गुष्ठाभ्यां नमः, श्रीं तर्जनीभ्यां नमः, ह्रीं मध्यमाभ्यां नमः, क्रीं अनामिकाभ्यां नमः, ग्लौं कनिष्ठिकाभ्यां नमः, गं करतलकरपृष्ठाभ्यां नमः। एवं हृदयादिन्यासः। अथवा षड्दीर्घ- भाजागमितिबीजेन कराङ्गन्यासः।

ओंकारसंनिभमिभाननमिन्दुभालं
मुक्ताग्रबिन्दुममलद्युतिमेकदन्तम्।
लम्बोदरं कलचतुर्भुजमादिदेवं
ध्यायेन्महागणपतिं मतिसिद्धिकान्तम्॥

॥ स्तोत्रम् ॥
ॐ गणेश्वरो गणाध्यक्षो गणाराध्यो गणप्रियः।
गणनाथो गणस्वामी गणेशो गणनायकः ॥ १ ॥

गणमूर्तिर्गणपतिर्गणत्राता गणञ्जयः।
गणपोऽथ गणक्रीडो गणदेवो गणाधिपः ॥ २ ॥

गणज्येष्ठो गणश्रेष्ठो गणप्रेष्ठो गणाधिराट्।
गणराई गणगोप्ताथ गणाङ्गो गणदैवतम् ॥ ३ ॥

गणबन्धुर्गणसुहृद् गणाधीशो गणप्रथः।
गणप्रियसखः शश्वद् गणप्रियसुहृत् तथा ॥ ४ ॥

गणप्रियरतो नित्यं गणप्रीतिविवर्धनः।
गणमण्डलमध्यस्थो गणकेलिपरायणः ॥ ५ ॥

गणाग्रणीर्गणेशानो गणगीतो गणोच्छ्रयः।
गण्यो गणहितो गर्जद्गणसेनो गणोद्धतः ॥ ६ ॥

गणभीतिप्रमथनो गणभीत्यपहारकः।
गणनार्हो गणप्रौढो गणभर्ता गणप्रभुः ॥ ७ ॥

गणसेनो गणचरो गणप्राज्ञो गणैकराट्।
गणाग्रयो गणनामा च गणपालनतत्परः ॥ ८ ॥

गणजिद् गणगर्भस्थो गणप्रवणमानसः।
गणगर्वपरीहर्ता गणो गणनमस्कृतः ॥ ९ ॥

गणार्चिताङ्घ्रियुगलो गणरक्षणकृत् सदा।
गणध्यातो गणगुरुर्गणप्रणयतत्परः ॥ १० ॥

गणागणपरित्राता गणाधिहरणोद्धुरः।
गणसेतुर्गणनुतो गणकेतुर्गणाग्रगः ॥ ११॥

गणहेतुर्गणग्राही गणानुग्रहकारकः।
गणागणानुग्रहभूर्गणागणवरप्रदः ॥१२॥

गणस्तुतो गणप्राणो गणसर्वस्वदायकः ।
गणवल्लभमूर्तिश्च गणभूतिर्गणेष्टदः ॥ १३॥

गणसौख्यप्रदाता च गणदुःखप्रणाशनः।
गणप्रथितनामा च गणाभीष्टकरः सदा ॥ १४॥

गणमान्यो गणख्यातो गणवीतो गणोत्कटः ।
गणपालो गणवरो गणगौरवदायकः ॥ १५ ॥

गणगर्जितसंतुष्टो गणस्वच्छन्दगः सदा।
गणराजो गणश्रीदो गणाभयकरः क्षणात् ॥ १६ ॥

गणमूर्द्धाभिषिक्तश्च गणसैन्यपुरःसरः।
गुणातीतो गुणमयो गुणत्रयविभागकृत् ॥ १७॥

गुणी गुणाकृतिधरो गुणशाली गुणप्रियः।
गुणपूर्णो गुणाम्भोधिर्गुणभाग् गुणदूरगः ॥ १८ ॥

गुणागुणवपुर्गौणशरीरो गुणमण्डितः।
गुणस्त्रष्टा गुणेशानो गुणेशोऽथ गुणेश्वरः ॥ १९ ॥

गुणसृष्टजगत्संघो गुणसंघो गुणैकराट्।
गुणप्रवृष्टो गुणभूर्गुणीकृतचराचरः ॥ २० ॥

गुणप्रवणसंतुष्टो गुणहीनपराङ्मुखः।
गुणैकभूर्गुणश्रेष्ठो गुणज्येष्ठो गुणप्रभुः ॥ २१ ॥

गुणज्ञो गुणसम्पूज्यो गुणैकसदनं सदा।
गुणप्रणयवान् गौणप्रकृतिर्गुणभाजनम् ॥ २२ ॥

गुणिप्रणतपादाब्जो गुणिगीतो गुणोज्ज्वलः।
गुणवान् गुणसम्पन्नो गुणानन्दितमानसः ॥ २३ ॥

गुणसंचारचतुरो गुणसंचयसुन्दरः।
गुणगौरो गुणाधारो गुणसंवृतचेतनः ॥ २४॥

गुणकृद् गुणभृन्नित्यं गुणाग्र्यो गुणपारदृक्।
गुणप्रचारी गुणयुग् गुणागुणविवेककृत् ॥ २५ ॥

गुणाकरो गुणकरो गुणप्रवणवर्धनः ।
गुणगूढचरो गौणसर्वसंसारचेष्टितः ॥ २६ ॥

गुणदक्षिणसौहार्दो गुणलक्षणतत्त्ववित्।
गुणहारी गुणकलो गुणसङ्घसखः सदा ॥ २७ ॥

गुणसंस्कृतसंसारो गुणतत्त्वविवेचकः।
गुणगर्वधरो गौणसुखदुःखोदयो गुणः ॥ २८ ॥

गुणाधीशो गुणलयो गुणवीक्षणलालसः।
गुणगौरवदाता च गुणदाता गुणप्रदः ॥ २९ ॥

गुणकृद्गुणसम्बन्धो गुणभृद्गुणबन्धनः ।
गुणहृद्यो गुणस्थायी गुणदायी गुणोत्कटः ॥ ३० ॥

गुणचक्रधरो गौणावतारो गुणबान्धवः।
गुणबन्धुर्गुणप्रज्ञो गुणप्राज्ञो गुणालयः ॥ ३१ ॥

गुणधाता गुणप्राणो गुणगोपो गुणाश्रयः।
गुणयायी गुणाधायी गुणपो गुणपालकः ॥ ३२ ॥

गुणाहृततनुर्गौणो गीर्वाणो गुणगौरवः।
गुणवत्पूजितपदो गुणवत्प्रीतिदायकः ॥ ३३॥

गुणवद्गीतकीर्तिश्च गुणवद् बद्धसौहृदः।
गुणवद्वरदो नित्यं गुणवत्प्रतिपालकः ॥ ३४॥

गुणवद्गुणसंतुष्टो गुणवद्रचितस्तवः।
गुणवद्रक्षणपरो गुणवत्प्रणयप्रियः ॥ ३५ ॥

गुणवच्चक्रसंचारो गुणवत्कीर्तिवर्धनः।
गुणवद्गुणचित्तस्थो गुणवद्गुणरक्षकः ॥ ३६ ॥

गुणवत्पोषणकरो गुणवच्छत्रुसूदनः।
गुणवत्सिद्धिदाता च गुणवद्‌गौरवप्रदः ॥ ३७॥

गुणवत्प्रवणस्वान्तो गुणवद्गुणभूषणः।
गुणवत्कुलविद्वेषिविनाशकरणक्षमः ॥ ३८ ॥

गुणिस्तुतगुणो गर्जत्प्रलयाम्बुदनिःस्वनः।
गजो गजपतिर्गर्जद्गजयुद्धविशारदः ॥ ३९ ॥

गजास्यो गजकर्णोऽथ गजराजो गजाननः।
गजरूपधरो गर्जद्गजयूथोद्धुरध्वनिः ॥ ४० ॥

गजाधीशो गजाधारो गजासुरजयोद्धुरः।
गजदन्तो गजवरो गजकुम्भो गजध्वनिः ॥ ४१ ॥

गजमायो गजमयो गजश्रीर्गजगर्जितः।
गजामयहरो नित्यं गजपुष्टिप्रदायकः ॥ ४२ ॥

गजोत्पत्तिर्गजत्राता गजहेतुर्गजाधिपः।
गजमुख्यो गजकुलप्रवरो गजदैत्यहा ॥ ४३ ॥

गजकेतुर्गजाध्यक्षो गजसेतुर्गजाकृतिः।
गजवन्द्यो गजप्राणो गजसेव्यो गजप्रभुः ॥ ४४ ॥

गजमत्तो गजेशानो गजेशो गजपुङ्गवः।
गजदन्तधरो गुञ्जन्मधुपो गजवेषभृत् ॥ ४५ ॥

गजच्छन्नो गजाग्रस्थो गजयायी गजाजयः।
गजराड् गजयूथस्थो गजगञ्जकभञ्जकः ॥ ४६ ॥

गर्जितोज्झितदैत्यासुर्गर्जितत्रातविष्टपः।
गानज्ञो गानकुशलो गानतत्त्वविवेचकः ॥ ४७॥

गानश्लाघी गानरसो गानज्ञानपरायणः।
गानागमज्ञो गानाङ्गो गानप्रवणचेतनः ॥ ४८ ॥

गानकृद्‌गानचतुरो गानविद्याविशारदः।
गानध्येयो गानगम्यो गानध्यानपरायणः ॥ ४९ ॥

गानभूर्गानशीलश्च गानशाली गतश्रमः।
गानविज्ञानसम्पन्नो गानश्रवणलालसः ॥ ५० ॥

गानयत्तो गानमयो गानप्रणयवान् सदा।
गानध्याता गानबुद्धिर्गानोत्सुकमनाः पुनः ॥ ५१ ॥

गानोत्सुको गानभूमिर्गानसीमा गुणोज्ज्वलः।
गानाङ्गज्ञानवान् गानमानवान् गानपेशलः ॥ ५२ ॥

गानवत्प्रणयो गानसमुद्रो गानभूषणः।
गानसिन्धुर्गानपरो गानप्राणो गणाश्रयः ॥ ५३॥

गानैक भूर्गानहृष्टो गानचक्षुर्गणैकदृक्।
गानमत्तो गानरुचिर्गानविद्वानवित्प्रियः ॥ ५४ ॥

गानान्तरात्मा गानाढ्यो गानभ्राजत्सभः सदा।
गानमायो गानधरो गानविद्याविशोधकः ॥ ५५ ॥

गानाहितघ्नो गानेन्द्रो गानलीनो गतिप्रियः।
गानाधीशो गानलयो गानाधारो गतीश्वरः ॥ ५६ ॥

गानवन्मानदो गानभूतिर्गानैकभूतिमान्।
गानतानततो गानतानदानविमोहितः ॥ ५७ ॥

गुरुर्गुरूदर श्रोणिर्गुरुतत्त्वार्थदर्शनः।
गुरुस्तुतो गुरुगुणो गुरुमायो गुरुप्रियः ॥ ५८ ॥

गुरुकीर्तिर्गुरुभुजो गुरुवक्षा गुरुप्रभः।
गुरुलक्षणसम्पन्नो गुरुद्रोहपराङ्मुखः ॥ ५९॥

गुरुविद्यो गुरुप्राणो गुरुबाहुबलोच्छ्रयः।
गुरुदैत्यप्राणहरो गुरुदैत्यापहारकः ॥ ६०॥

गुरुगर्वहरो गुह्यप्रवरो गुरुदर्पहा।
गुरुगौरवदायी च गुरुभीत्यपहारकः ॥ ६१ ॥

गुरुशुण्डो गुरुस्कन्धो गुरुजङ्गो गुरुप्रथः।
गुरुभालो गुरुगलो गुरु श्रीर्गुरुगर्वनुत् ॥ ६२ ॥

गुरूरुगुरुपीनांसो गुरुप्रणयलालसः।
गुरुमुख्यो गुरुकुलस्थायी गुरुगुणः सदा ॥ ६३ ॥

गुरुसंशयभेत्ता च गुरुमानप्रदायकः।
गुरुधर्मसदाराध्यो गुरुधर्मनिकेतनः ॥ ६४॥

गुरुदैत्यकुलच्छेत्ता गुरुसैन्यो गुरुद्युतिः ॥ ६५ ॥

गुरुधर्माग्रगण्योऽथ गुरुधर्मधुरन्धरः।
गरिष्ठो गुरुसंतापशमनो गुरुपूजितः ॥ ६६ ॥

गुरुधर्मधरो गौरधर्माधारो गदापहः।
गुरुशास्त्रविचारज्ञो गुरुशास्त्रकृतोद्यमः ॥ ६७॥

गुरुशास्त्रार्थनिलयो गुरुशास्त्रालयः सदा।
गुरुमन्त्रो गुरुश्रेष्ठो गुरुमन्त्रफलप्रदः ॥ ६८ ॥

गुरुस्त्रीगमनोद्दामप्रायश्चित्तनिवारकः।
गुरुसंसारसुखदो गुरुसंसारदुःखभित् ॥ ६९॥

गुरुश्लाघापरो गौरभानुखण्डावतंसभृत्।
गुरुप्रसन्नमूर्तिश्च गुरुशापविमोचकः ॥ ७० ॥

गुरुकान्तिर्गुरुमयो गुरुशासनपालकः।
गुरुतन्त्रो गुरुप्रज्ञो गुरुभो गुरुदैवतम् ॥ ७१ ॥

गुरुविक्रमसंचारो गुरुदृग् गुरुविक्रमः।
गुरुक्रमो गुरुप्रेष्ठो गुरुपाखण्डखण्डकः ॥ ७२ ॥

गुरुगर्जितसम्पूर्णब्रह्माण्डो गुरुगर्जितः।
गुरुपुत्रप्रियसखो गुरुपुत्रभयापहः ॥ ७३ ॥

गुरुपुत्रपरित्राता गुरुपुत्रवरप्रदः।
गुरुपुत्रार्तिशमनो गुरुपुत्राधिनाशनः ॥ ७४ ॥

गुरुपुत्रप्राणदाता गुरुभक्तिपरायणः।
गुरुविज्ञानविभवो गौरभानुवरप्रदः ॥ ७५ ॥

गौरभानुस्तुतो गौरभानुत्रासापहारकः।
गौरभानुप्रियो गौरभानुर्गौरववर्धनः ॥ ७६ ॥

गौरभानुपरित्राता गौरभानुसखः सदा।
गौरभानुप्रभुर्गौरभानुभीतिप्रणाशनः ॥ ७७॥

गौरीतेजः समुत्पन्नो गौरीहृदयनन्दनः।
गौरीस्तनन्धयो गौरीमनोवाञ्छितसिद्धिकृत् ॥ ७८ ॥

गौरो गौरगुणो गौरप्रकाशो गौरभैरवः।
गौरीशनन्दनो गौरीप्रियपुत्रो गदाधरः ॥ ७९ ॥

गौरीवरप्रदो गौरीप्रणयो गौरसच्छविः।
गौरीगणेश्वरो गौरीप्रवणो गौरभावनः ॥ ८० ॥

गौरात्मा गौरकीर्तिश्च गौरभावो गरिष्ठदृक्।
गौतमो गौतमीनाथो गौतमीप्राणवल्लभः ॥ ८१ ॥

गौतमाभीष्टवरदो गौतमाभयदायकः।
गौतमप्रणयप्रह्वो गौतमाश्रमदुःखहा ॥ ८२॥

गौतमीतीरसंचारी गौतमीतीर्थनायकः।
गौतमापत्परिहरो गौतमाधिविनाशनः ॥ ८३ ॥

गोपतिर्गोधनो गोपो गोपालप्रियदर्शनः।
गोपालो गोगणाधीशो गोकश्मलनिवर्तकः ॥ ८४ ॥

गोसहस्त्रो गोपवरो गोपगोपीसुखावहः।
गोवर्धनो गोपगोपो गोपो गोकुलवर्धनः ॥ ८५ ॥

गोचरो गोचराध्यक्षो गोचरप्रीतिवृद्धिकृत् ।
गोमी गोकष्टसंत्राता गोसंतापनिवर्तकः ॥ ८६ ॥

गोष्ठो गोष्ठाश्रयो गोष्ठपतिर्गोधनवर्धनः।
गोष्ठप्रियो गोष्ठमयो गोष्ठामयनिवर्तकः ॥ ८७ ॥

गोलोको गोलको गोभृद् गोभर्ता गोसुखावहः।
गोधुग् गोधुग्गणप्रेष्ठो गोदोग्धा गोमयप्रियः ॥ ८८ ॥

गोत्रं गोत्रपतिर्गोत्रप्रभुर्गोत्रभयापहः।
गोत्रवृद्धिकरो गोत्रप्रियो गोत्रार्तिनाशनः ॥ ८९ ॥

गोत्रोद्धारपरो गोत्रप्रवरो गोत्रदैवतम्।
गोत्रविख्यातनामा च गोत्री गोत्रप्रपालकः ॥ ९० ॥

गोत्रसेतुर्गोत्रकेतुर्गोत्रहेतुर्गतक्लमः
गोत्रत्राणकरो गोत्रपतिर्गोत्रेशपूजितः ॥ ९१ ॥

गोत्रभिद् गोत्रभित्त्राता गोत्रभिद्वरदायकः।
गोत्रभित्पूजितपदो गोत्रभिच्छत्रुसूदनः ॥ ९२ ॥

गोत्रभित्प्रीतिदो नित्यं गोत्रभिद्‌गोत्रपालकः।
गोत्रभिद्गीतचरितो गोत्रभिद्राज्यरक्षकः ॥ ९३ ॥

गोत्रभिज्जयदायी च गोत्रभित्प्रणयः सदा।
गोत्रभिद्भयसम्भेत्ता गोत्रभिन्मानदायकः ॥ ९४ ॥

गोत्रभिद्गोपनपरो गोत्रभित्सैन्यनायकः।
गोत्राधिपप्रियो गोत्रपुत्रीपुत्रो गिरिप्रियः ॥ ९५ ॥

ग्रन्थज्ञो ग्रन्थकृग्रन्थग्रन्थिभिग्रन्थविघ्नहा।
ग्रन्थादिर्ग्रन्थसंचारो ग्रन्थश्रवणलोलुपः ॥ ९६ ॥

ग्रन्थाधीनक्रियो ग्रन्थप्रियो ग्रन्थार्थतत्त्ववित् ।
ग्रन्थसंशयसंछेदी ग्रन्थवक्ता ग्रहाग्रणीः ॥ ९७ ॥

ग्रन्थगीतगुणो ग्रन्थगीतो ग्रन्थादिपूजितः।
ग्रन्थारम्भस्तुतो ग्रन्थग्राही ग्रन्थार्थपारदृक् ॥ ९८ ॥

ग्रन्थदृग् ग्रन्थविज्ञानो ग्रन्थसंदर्भशोधकः।
ग्रन्थकृत्पूजितो ग्रन्थकरो ग्रन्थपरायणः ॥ ९९ ॥

ग्रन्थपारायणपरो ग्रन्थसंदेहभञ्जकः।
ग्रन्थकृद्वरदाता च ग्रन्थकृद्वन्दितः सदा ॥ १०० ॥

ग्रन्थानुरक्तो ग्रन्थज्ञो ग्रन्थअनुग्रहदायकः।
ग्रन्थान्तरात्मा ग्रन्थार्थपण्डितो ग्रन्थसौहृदः ॥ १०१ ॥

ग्रन्थपारङ्गमो ग्रन्थगुणविद् ग्रन्थविग्रहः।
ग्रन्थसेतुर्ग्रन्थहेतुर्ग्रन्थकेतुर्ग्रहाग्रगः ॥१०२॥

ग्रन्थपूज्यो ग्रन्थगेयो ग्रन्थग्रथनलालसः।
ग्रन्थभूमिर्ग्रह श्रेष्ठो ग्रहकेतुर्ग्रहाश्रयः ॥ १०३ ॥

ग्रन्थकारो ग्रन्थकारमान्यो ग्रन्थप्रसारकः।
ग्रन्थश्रमज्ञो ग्रन्थाङ्गो ग्रन्थभ्रमनिवारकः ॥ १०४॥

ग्रन्थप्रवणसर्वाङ्गो ग्रन्थप्रणयतत्परः।
गीतं गीतगुणो गीतकीर्तिर्गीतविशारदः ॥ १०५ ॥

गीतस्फीतयशा गीतप्रणयो गीतचञ्चुरः।
गीतप्रसन्नो गीतात्मा गीतलोलो गतस्पृहः ॥ १०६ ॥

गीताश्रयो गीतमयो गीततत्त्वार्थकोविदः।
गीतसंगीतशासनः गीतसंशयसंछेत्ता ॥ १०७॥

गीतार्थज्ञो गीततत्त्वो गीतातत्त्वं गताश्रयः।
गीतासारोऽथ गीताकृद्गीताकृद्विघ्ननाशनः ॥ १०८ ॥

गीताशक्तो गीतलीनो गीताविगतसंज्वरः।
गीतैकदृग् गीतभूतिर्गीतप्रीतो गतालसः ॥ १०९ ॥

गीतवाद्यपटुर्गीतप्रभुर्गीतार्थतत्त्ववित्।
गीतागीतविवेकज्ञो गीताप्रवणचेतनः ॥ ११०॥

गतभीर्गतविद्वेषो गतसंसारबन्धनः।
गतमायो गतत्रासो गतदुःखो गतज्वरः ॥ १११ ॥

गतासुहृद् गताज्ञानो गतदुष्टाशयो गतः।
गतार्तिर्गतसंकल्पो गतदुष्टविचेष्टितः ॥ ११२॥

गताहंकारसंचारो गतदर्पो गताहितः।
गतविघ्नो गतभयो गतागतनिवारकः ॥ ११३॥

गतव्यथो गतापायो गतदोषो गतेः परः।
गतसर्वविकारोऽथ गतगञ्जितकुञ्जरः ॥ ११४॥

गतकम्पितभूपृष्ठो गतरुग् गतकल्मषः।
गतदैन्यो गतस्तैन्यो गतमानो गतश्रमः ॥ ११५ ॥

गतक्रोधो गतग्लानिर्गतम्लानो गतभ्रमः।
गताभावो गतभवो गततत्त्वार्थसंशयः ॥ ११६ ॥

गयासुरशिरश्छेत्ता गयासुरवरप्रदः।
गयावासो गयानाथो गयावासिनमस्कृतः ॥ ११७॥

गयातीर्थफलाध्यक्षो गयायात्राफलप्रदः।
गयामयो गयाक्षेत्रं गयाक्षेत्रनिवासकृत् ॥ ११८ ॥

गयावासिस्तुतो गायन्मधुव्रतलसत्कटः।
गायको गायकवरो गायकेष्टफलप्रदः ॥ ११९ ॥

गायकप्रणयी गाता गायकाभयदायकः।
गायकप्रवणस्वान्तो गायकः प्रथमः सदा ॥ १२०॥

गायकोद्गीतसम्प्रीतो गायकोत्कटविघ्नहा।
गानगेयो गायकेशो गायकान्तरसञ्चरः ॥ १२१ ॥

गायकप्रियदः शश्वद् गायकाधीनविग्रहः।
गेयो गेयगुणो गेयचरितो गेयतत्त्ववित् ॥ १२२ ॥

गायकत्रासहा ग्रन्थो ग्रन्थतत्त्वविवेचकः।
गाढानुरागो गाढाङ्गो गाढगङ्गाजलोऽन्वहम् ॥ १२३ ॥

गाढावगाढजलधिर्गाढप्रज्ञो गतामयः।
गाढप्रत्यर्थिसैन्योऽथ गाढानुग्रहतत्परः ॥ १२४॥

गाढश्लेषरसाभिज्ञो गाढनिर्वृतिसाधकः।
गङ्गाधरेष्टवरदो गङ्गाधरभयापहः ॥ १२५ ॥

गङ्गाधरगुरुर्गङ्गाधरध्यातपदः सदा।
गङ्गाधरस्तुतो गङ्गाधराराध्यो गतस्मयः ॥ १२६ ॥

गङ्गाधरप्रियो गङ्गाधरो गङ्गाम्बुसुन्दरः।
गङ्गाजलरसास्वादचतुरो गाङ्गतीरयः ॥ १२७ ॥

गङ्गाजलप्रणयवान् गङ्गातीरविहारकृत्।
गङ्गाप्रियो गाङ्गजलावगाहनपरः सदा ॥ १२८ ॥

गन्धमादनसंवासो गन्धमादनकेलिकृत्।
गन्धानुलिप्तसर्वाङ्गो गन्धलुब्धमधुव्रतः ॥ १२९ ॥

गन्धो गन्धर्वराजोऽथ गन्धर्वप्रियकृत् सदा।
गन्धर्वविद्यातत्त्वज्ञो गन्धर्वप्रीतिवर्धनः ॥ १३० ॥

गकारबीजनिलयो गकारो गर्विगर्वनुत्।
गन्धर्वगणसंसेव्यो गन्धर्ववरदायकः ॥ १३१ ॥

गन्धर्वो गन्धमातङ्गो गन्धर्वकुलदैवतम्।
गन्धर्वगर्वसंछेत्ता गन्धर्ववरदर्पहा ॥ १३२ ॥

गन्धर्वप्रवणस्वान्तो गन्धर्वगणसंस्तुतः।
गन्धर्वार्चितपादाब्जो गन्धर्वभयहारकः ॥ १३३ ॥

गन्धर्वाभयदः शश्वद् गन्धर्वप्रतिपालकः।
गन्धर्वगीतचरितो गन्धर्वप्रणयोत्सुकः ॥ १३४॥

गन्धर्वगानश्रवणप्रणयी गर्वभञ्जनः।
गन्धर्वत्राणसंनद्धो गन्धर्वसमरक्षमः ॥ १३५ ॥

गन्धर्वस्त्रीभिराराध्यो गानं गानपटुः सदा।
गच्छो गच्छपतिर्गच्छनायको गच्छगर्वहा ॥ १३६॥

गच्छराजोऽथ गच्छेशो गच्छराजनमस्कृतः।
गच्छप्रियो गच्छगुरुर्गच्छत्राणकृतोद्यमः ॥ १३७॥

गच्छप्रभुर्गच्छचरो गच्छप्रियकृतोद्यमः।
गच्छगीतगुणो गच्छमर्यादाप्रतिपालकः ॥ १३८ ॥

गच्छधाता गच्छभर्ता गच्छवन्द्यो गुरोर्गुरुः।
गृत्सो गृत्समदो गृत्समदाभीष्टवरप्रदः ॥ १३९॥

गीर्वाणगीतचरितो गीर्वाणगणसेवितः।
गीर्वाणवरदाता च गीर्वाणभयनाशकृत् ॥ १४० ॥

गीर्वाणगुणसंवीतो गीर्वाणारातिसूदनः।
गीर्वाणधाम गीर्वाणगोप्ता गीर्वाणगर्वहृत् ॥ १४१ ॥

गीर्वाणार्तिहरो नित्यं गीर्वाणवरदायकः।
गीर्वाणशरणं गीतनामा गीर्वाणसुन्दरः ॥ १४२ ॥

गीर्वाणप्राणदो गन्ता गीर्वाणानीकरक्षकः।
गुहेहापूरको गन्धमत्तो गीर्वाणपुष्टिदः ॥ १४३॥

गीर्वाणप्रयुतत्राता गीतगोत्रो गताहितः।
गीर्वाणसेवितपदो गीर्वाणप्रथितो गलत् ॥ १४४॥

गीर्वाणगोत्रप्रवरो गीर्वाणफलदायकः।
गीर्वाणप्रियकर्ता च गीर्वाणागमसारवित् ॥ १४५ ॥

गीर्वाणागमसम्पत्तिर्गीर्वाणव्यसनापहः।
गीर्वाणप्रणयो गीतग्रहणोत्सुकमानसः ॥ १४६ ॥

गीर्वाणभ्रमसम्भेत्ता गीर्वाणगुरुपूजितः।
ग्रहो ग्रहपतिर्ग्राहो ग्रहपीडाप्रणाशनः ॥ १४७ ॥

ग्रहस्तुतो ग्रहाध्यक्षो ग्रहेशो ग्रहदैवतम्।
ग्रहकृद् ग्रहभर्ता च ग्रहेशानो ग्रहेश्वरः ॥ १४८ ॥

ग्रहाराध्यो ग्रहत्राता ग्रहगोप्ता ग्रहोत्कटः।
ग्रहगीतगुणो ग्रन्थप्रणेता ग्रहवन्दितः ॥ १४९ ॥

गवी गवीश्वरो गर्वी गर्विष्ठो गर्विगर्वहा।
गवांप्रियो गवांनाथो गवीशानो गवांपतिः ॥ १५० ॥

गव्यप्रियो गवांगोप्ता गविसम्पत्तिसाधकः।
गविरक्षणसंनद्धो गवांभयहरः क्षणात् ॥ १५१ ॥

गविगर्वहरो गोदो गोप्रदो गोजयप्रदः।
गजायुतबलो गण्डगुञ्जन्मत्तमधुव्रतः ॥ १५२ ॥

गण्डस्थललसद्दानमिलन्मत्तालिमण्डितः।
गुडो गुडप्रियो गण्डगलद्दानो गुडाशनः ॥ १५३ ॥

गुडाकेशो गुडाकेशसहायो गुडलड्डुभुक्।
गुडभुग्गुडभुग्गण्यो गुडाकेशवरप्रदः ॥ १५४॥

गुडाकेशार्चितपदो गुडाकेशसखः सदा।
गदाधरार्चितपदो गदाधरवरप्रदः ॥ १५५ ॥

गदायुधो गदापाणिर्गदायुद्धविशारदः।
गदहा गददर्पघ्नो गदगर्वप्रणाशनः ॥ १५६ ॥

गदग्रस्तपरित्राता गदाडम्बरखण्डकः।
गुहो गुहाग्रजो गुप्तो गुहाशायी गुहाशयः ॥ १५७॥

गुहप्रीतिकरो गूढो गूढगुल्फो गुणैकदृक्।
गीर्गीष्पतिर्गिरीशानो गीर्देवीगीतसद्गुणः ॥ १५८॥

गीर्देवो गीष्प्रियो गीर्भूर्गीरात्मा गीष्प्रियङ्करः।
गीर्भूमिर्गीरसज्ञोऽथ गीःप्रसन्नो गिरीश्वरः ॥ १५९॥

गिरीशजो गिरौशायी गिरिराजसुखावहः।
गिरिराजार्चितपदो गिरिराजनमस्कृतः ॥ १६०॥

गिरिराजगुहाविष्टो गिरिराजाभयप्रदः।
गिरिराजेष्टवरदो गिरिराजप्रपालकः ॥ १६१ ॥

गिरिराजसुतासूनुर्गिरिराजजयप्रदः।
गिरिव्रजवनस्थायी गिरिव्रजचरः सदा ॥ १६२॥

गर्गो गर्गप्रियो गर्गदेवो गर्गनमस्कृतः।
गर्गभीतिहरो गर्गवरदो गर्गसंस्तुतः ॥ १६३॥

गर्गगीतप्रसन्नात्मा गर्गानन्दकरः सदा।
गर्गप्रियो गर्गमानप्रदो गर्गारिभञ्जकः ॥ १६४॥

गर्गवर्गपरित्राता गर्गसिद्धिप्रदायकः।
गर्गग्लानिहरो गर्गभ्रमहृद् गर्गसंगतः ॥ १६५ ॥

गर्गाचार्यो गर्गमुनिर्गर्गसम्मानभाजनः।
गम्भीरो गणितप्रज्ञो गणितागमसारवित् ॥ १६६ ॥

गणको गणकश्लाघ्यो गणकप्रणयोत्सुकः।
गणकप्रवणस्वान्तो गणितो गणितागमः ॥ १६७॥

गद्यं गद्यमयो गद्यपद्यविद्याविशारदः।
गललग्नमहानागो गलदर्चिर्गलन्मदः ॥ १६८ ॥

गलत्कुष्ठिव्यथाहन्ता गलत्कुष्ठिसुखप्रदः।
गम्भीरनाभिर्गम्भीरस्वरो गम्भीरलोचनः ॥ १६९ ॥

गम्भीरगुणसम्पन्नो गम्भीरगतिशोभनः।
गर्भप्रदो गर्भरूपो गर्भापद्विनिवारकः ॥ १७० ॥

गर्भागमनसंनाशो गर्भदो गर्भशोकनुत्।
गर्भत्राता गर्भगोप्ता गर्भपुष्टिकरः सदा ॥ १७१ ॥

गर्भाश्रयो गर्भमयो गर्भामयनिवारकः।
गर्भाधारो गर्भधरो गर्भसंतोषसाधकः ॥ १७२ ॥

गर्भगौरवसंधानसाधनं गर्भवर्गहृत्।
गरीयान् गर्वनुद् गर्वमर्दी गरदमर्दकः ॥ १७३ ॥

गरसंतापशमनो गुरुराज्यसुखप्रदः।

गकारादि जगद्वन्द्यं गोपनीयं प्रयत्नतः।
य इदं प्रयतः प्रातस्त्रिसंध्यं वा पठेन्नरः ॥ १७५ ॥

वाञ्छितं समवाप्नोति नात्र कार्या विचारणा।
पुत्रार्थी लभते पुत्रान् धनार्थी लभते धनम् ॥ १७६ ॥

विद्यार्थी लभते विद्यां सत्यं सत्यं न संशयः।
भूर्जत्वचि समालिख्य कुंकुमेन समाहितः ॥ १७७॥

चतुर्थ्यां भौमवारे च चन्द्रसूर्योपरागके।
पूजयित्वा गणाधीशं यथोक्तविधिना पुरा ॥ १७८ ॥

पूजयेद् यो यथाशक्त्या जुहुयाच्च शमीदलैः।
गुरुं सम्पूज्य वस्त्राद्यैः कृत्वा चापि प्रदक्षिणाम् ॥ १७९ ॥

धारयेद् यः प्रयत्नेन स साक्षाद्गणनायकः।
सुराश्चासुरवर्याश्च पिशाचाः किन्नरोरगाः ॥ १८०॥

प्रणमन्ति सदा तं वै दृष्ट्वा विस्मितमानसाः।
राजा सपदि वश्यः स्यात् कामिन्यस्तद्वशे स्थिराः ॥ १८१॥

तस्य वंशे स्थिरा लक्ष्मीः कदापि न विमुञ्चति।
निष्कामो यः पठेदेतद् गणेश्वरपरायणः ॥ १८२॥

स प्रतिष्ठां परां प्राप्य निजलोकमवाप्नुयात्।
इदं ते कीर्तितं नाम्नां सहस्त्रं देवि पावनम् ॥ १८३॥

न देयं कृपणायाथ शठाय गुरुविद्विषे।
दत्त्वा च भ्रंशमाप्नोति देवतायाः प्रकोपतः ॥ १८४॥

इति श्रुत्वा महादेवी तदा विस्मितमानसा।
पूजयामास विधिवद् गणेश्वरपदद्वयम् ॥ १८५ ॥

॥ इति श्रीरुद्रयामले महागुप्तसारे शिवपार्वतीसंवादे गकारादि श्रीगणपतिसहस्रनामस्तोत्रं सम्पूर्णम् ॥