श्री बलराम जी की आरती (जय बलभद्र हरे)

॥ आरती ॥
जय बलराम हरे,
स्वामिन् जय बलभद्र हरे।
भक्तजनानां विपदः,
कुरु निखला दूरे॥
जय बलभद्र हरे॥

त्वमसि ब्रह्म निरञ्जन,
मज्जन सैन्य हरः।
प्रणत मनोरथ भूरुह,
पालनकर्मपरः॥
जय बलभद्र हरे॥

दुर्मद दैत्य मतङ्गज,
पञ्चानन कल्पः।
मत्सर शून्य महीपति,
चिंतामणि जल्पः॥
जय बलभद्र हरे॥

चिबुकोदर वर मणिरुचि,
मण्डित मज्वधरः।
कम्बूपम गल मौक्तिक,
तारक हार हरः॥
जय बलभद्र हरे॥

धृत्वा कुण्डलमेकं,
वामेतर कर्णे।
रक्षति जनं प्रपन्नं,
निज निर्भय शरणे॥
जय बलभद्र हरे॥

शित हल मुसल,
प्रहारै मर्त्ताभूमिभृतः।
सेवन्ते तव चरणौ,
दीना भीत हृदः॥
जय बलभद्र हरे॥

चलदलकैर्लसदानन,
पङ्केरुह शाली।
तुलसी कुन्द सरोरुह,
कृत नव वनमाली॥
जय बलभद्र हरे॥

बर्हिण बर्ह विराजित,
कनकापीडधरः।
सस्मित वदन विलोकित,
नत पूरुष निकरः॥
जय बलभद्र हरे॥

भूत्वा त्वं हि बलिष्ठो,
विद्रुम वनवासी।
शाश्वत्सर्व विपद्भ्यो,
ब्रजमखिलं पासि॥
जय बलभद्र हरे॥

रैवत भूपति नंदिनि,
जय करुणासरिते।
हलधरहर्म्य विहारिणि,
जय कमला कलिते॥
जय रेवति मातः॥

मत्वा स्वं पतिदासी,
मुरुतः सन्निहिता।
सर्वं तस्य निदेशं,
पालयस्यवहिता॥
जय रेवति मातः॥

पठतीमां यो नित्यं,
नीरांजनमालाम्।
हलिसान्निध्यं लभते,
भङ्क्त्वा भवकाराम्॥
जय बलभद्र हरे॥