Shri Gauri Chalisa

॥ Doha ॥
Man-Mandir Mere Aan Baso, Aarambh Karoon Gungaan.
Gauri Maa Mateshwari, Do Charanon Ka Dhyaan.
Poojan Vidhi Na Jaanti, Par Shraddha Hai Apaar.
Pranaam Mera Sweekariye, He Maa Praan Aadhaar.
॥ Chaupai ॥
Namo Namo He Gauri Mata, Aap Ho Meri Bhagya Vidhata.
Sharanagat Na Kabhi Ghabrata, Gauri Uma Shankari Mata.
Aapka Priya Hai Aadar Paata, Jai Ho Kartikey Ganesh Ki Mata.
Mahadev Ganapati Sang Aao, Mere Sakal Kalesh Mitaao.
Sarthak Ho Jaaye Jag Mein Jeena, Satkarmo Se Kabhi Hatu Na.
Sakal Manorath Poorna Keejo, Sukh Suvidha Vardaan Mein Deejyo.
He Maa Bhagya Rekha Jaga Do, Man Bhavan Suyog Mila Do.
Man Ko Bhaaye Vo Var Chaahu, Sasural Paksh Ka Sneha Main Paau.
Param Aaradhya Aap Ho Meri, Fir Kyoon Var Mein Itni Deri.
Hamre Kaaj Sampoorna Keejiyo, Thode Mein Barakat Bhar Deejiyo.
Apni Daya Banaaye Rakhna, Bhakti Bhaav Jagaaye Rakhna.
Gauri Mata Ang-Sang Rehna, Kabhi Na Khoon Man Ka Chaina.
Dev Muni Sab Sheesh Nawaate, Sukh Suvidha Ko Var Main Paate.
Shraddha Bhaav Jo Le Kar Aaya, Bin Maange Bhi Sab Kuch Paaya.
Har Sankat Se Use Ubara, Aage Badh Ke Diya Sahara.
Jab Bhi Maa Aap Sneh Dikhlaave, Niraash Man Mein Aas Jagaave.
Shiv Bhi Aapka Kaha Na Taale, Daya Drishti Hum Pe Daale.
Jo Jan Karta Aapka Dhyaan, Jag Mein Paaye Maan Sammaan.
Sacche Man Jo Sumiran Karti, Uske Suhaag Ki Raksha Karti.
Daya Drishti Jab Maa Daale, Bhav Sagar Se Paar Utaare.
Jape Jo Om Namah Shivay, Shiv Parivar Ka Sneha Vo Paaye.
Jispe Aap Daya Dikhlaave, Dusht Aatma Nahi Sataave.
Sadgun Ki Ho Daata Aap, Har Ik Man Ki Gyata Aap.
Kaato Hamre Sakal Kalesh, Nirog Rahe Parivar Hamesh.
Dukh Santaap Mita Dena Maa, Megh Daya Ke Barsa Dena Maa.
Jabhi Aap Mauj Mein Aaye, Hat Jaaye Maa Sab Vipdayen.
Jispe Dayal Ho Mata Aap, Uska Badhta Punya Pratap.
Phal-Phool Main Dugdh Chadhaau, Shraddha Bhaav Se Aapko Dhyau.
Avgun Mere Dhak Dena Maa, Mamta Aanchal Kar Dena Maa.
Kathin Nahi Kuch Aapko Mata, Jag Thukraya Daya Ko Paata.
Bin Paau Na Gun Maa Tere, Naam Dhaam Swaroop Bahu Tere.
Jitne Aapke Paavan Dhaam, Sab Dhaamon Ko Maa Pranaam.
Aapki Daya Ka Hai Na Paar, Tabhi To Pooje Kul Sansaar.
Nirmal Man Jo Sharan Mein Aata, Mukti Ki Vo Yukti Paata.
Santosh Dhan Se Daaman Bhar Do, Asambhav Ko Maa Sambhav Kar Do.
Aapki Daya Ke Bhare Bhandaar, Sukhi Base Mera Parivar.
Aapki Mahima Ati Nirali, Bhakton Ke Dukh Harne Wali.
Manokamna Purn Karti, Man Ki Duvidha Pal Mein Harti.
Chalisa Jo Bhi Padhe-Sunaye, Suyogya Var Vardaan Mein Paaye.
Aasha Purn Kar Dena Maa, Sumangal Shaunkee Var Dena Maa.
॥ Doha ॥
Gauri Maa Vinti Karoon, Aan Aap Ke Dwaar.
Aisi Maa Kripa Karo, Ho Jaaye Uddhaar.
Deen-heen hoon sharan mein, do charanon ka dhyaan.
Aisi kripa kijiye, paaun maan-samman.